Latest news

08:20Антонининг "Бетис"га трансфери барбод бўлди  1 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  6 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  33 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  22

Суҳроб Неъматов: "Бухоро" билан оғзаки келишувга эришганман" News

Суҳроб Неъматов: "Бухоро" билан оғзаки келишувга эришганман"

Бухоролик таниқли футболчи Суҳроб Неъматов бир неча йиллик танаффусдан сўнг яна қадрдон жамоасига қайтди.
Охирги йилларда "Насаф"нинг захира ўйинчисига айланиб қолган Неъматов бу йил жамоасини ўзгартиришга қарор қилди ва "Бухорог"а қайтиш имконияти туғилгач, уни рад этмади. Яқинда ушбу футболчи билан суҳбатлашдик.

- Суҳроб, "Насаф" мамлакатимизнинг гранд клубларидан бири бўлишига қарамай жамоани тарк этишга қарор қилдингиз. Афтидан бу сизнинг охирги пайтларда захирада қолиб кетаётганингиз билан боғлиқ бўлса керак. Шундайми?
- Ҳа, албатта мен Қарши жамоасида кўп вақтимни захирада ўтказдим. Бунда бирор кимни айблаш ноўрин. Лекин ҳар бир футболчи кўпроқ ўйнашга интилгани каби мен ҳам етарлича ўйин амалиётига эга бўлишни истадим. Шунинг учун "Насаф" билан хайрлашишга қарор қилдим.

- "Аждарлар" раҳбарияти кетишингизга қаршилик қилмадими?
- Амалдаги шартномам ўз кучини йўқотганди. Лекин шунга қарамай улар мени яна жамоада олиб қолиш учун, янги шартнома таклиф этишди. Шунда мен бош мураббий Рўзиқул ака Бердиев билан гаплашиб, бу йил ўзимни бошқа жамоада синаб кўришни хоҳлаётганимни айтдим. У киши менинг истагимни инобатга олди ва кетишимга қаршилик қилмади. Шу тариқа Насаф билан дўстона хайрлашдим. Жамоанинг кейинги фаолиятига омад тилайман.

- Айни пайтда "Бухоро" йиғинидасиз. Нима учун айнан бу клубни танладингиз?

- Яширмайман, олдимда бундан бошқа вариантлар ҳам бор эди. Лекин мен уйимга яқинроқ жойда ўйнашни маъқул кўрдим. Қолаверса Бухоронинг таклифи жиддий эди.

- Жамоа билан битим имзоладингизми?   
- Ҳозирча расмий равишда шартномага имзо чекилгани йўқ. Раҳбарият билан оғзаки келишувга эришганмиз. Насиб қилса бу йил Бухоро учун ўйнайман.

- Жамоангизнинг мавсумга кўраётган ҳозирлик ишлари тўғрисида нима дейсиз?

- Айни пайтда Тошкентдамиз. Кунига икки маҳал, баъзида бир маҳалдан машғулот ўтказилмоқда. Об-ҳавонинг ноқулайлиги натижасида режадаги бир нечта синов-ўйинлари бекор қилинди. Насиб қилса энди февраль ойининг ўрталарида Туркияга жўнаб кетамиз. У ерда кўнгилдагидек йиғин ўтказиш учун барча шароитлар муҳайё этилган.

- Эдгар Гесс ҳақида қандай фикрдасиз? У билан ишлаш сизга ёқяптими?
- Нима десам бўлади, Эдгар Яковлевич қаттиққўл ва талабчан мураббийлар тоифасига киради. Унинг ўтказаётган машғулотлари ҳам асосан жисмоний тайёргарлик борасида бўлади.

- Бир неча йилдан сўнг яна Бухорога қайтиб қандай ўзгаришларни кўрдингиз?

- Айтарли ҳеч нарса ўзгармаган. Фақат бу борада бош мураббий ўзгарганини янгилик деб айтиш мумкин. Шунингдек таркибда ҳам янгилар пайдо бўлмоқда.

- Сир эмаски, охирги йилларда "Бухоро"да мураббийларнинг тез-тез алмашинуви юз бермоқда. Шахсан сиз мураббийларнинг кўнимсизлигини нима билан изоҳлаган бўлардингиз?
- Чиндан ҳам шундай. Лекин бу саволингизга жавоб бергани қийналаман. Мураббийнинг ўзгариши кўпинча жамоа қайд этадиган натижага боғлиқ бўлади. Очиғи, буни раҳбариятдан сўраш керак.


Исломбек РУСТАМБЕКОВ суҳбатлашди.
Rating:    

Comments

championat.asia
< show latest news
Яндекс.Метрика