Суҳроб Бердиев: "Жуда муҳим очколарни бой бердик"
03 oct 2016 11:27
News

Суҳроб Бердиев: "Жуда муҳим очколарни бой бердик"

Tags : Қўқон-1912 Суҳроб Бердиев

Олий лига 24-тур доирасида бўлиб ўтган “Қўқон-1912” – “Навбаҳор” жамоалари баҳсидан кейин қўқонликлар футболчиси Суҳроб Бердиев ўз фикрларини қуйидагича баён қилди.

- “Навбаҳор”га қарши баҳсда фақат ғалабани кўзлаб майдонга чиққан эдик. Афсуски ўз хатоларимиз эвазига кўзлаган мақсадга эриша олмадик. Бундан олдинги турларда Навоийда ва уйда “Металлург” билан кўрсатган ўйинимизни бугун кўрсата олмадик. Нима учун бундай бўлди ҳайронман, балки ҳаддан ташқари ғалаба қозонишга интилганимиз натижасида хатолар келиб чиқдими бир нима дея олмайман.

Жамоамизда ҳамма аҳил , барчамизни мақсадимиз турнир жадвалидаги мавқеимизни яхшилашга қаратилган. Кечаги ўйинда йўқотилган очколарни кейинги ўйинларимизда жойига қўйишга ҳаракат қиламиз. Ўйлайманки мавсум сўнггига қадар кўзланган мақсадимизга эришамиз, - деди Суҳроб Бердиев.

"Қўқон-1912" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +1