Суарес - Неймарнинг кетиши ҳақида: "У дунёнинг энг яхши клубида ўйнаётганини биларди"

"Гризманн ўзини анчагина хурсанд ҳис қилмоқда. Кийиниш хонасида уни илиқ кутиб олишди. Чунки у бизга ўзимиз истаган совринларни қўлга киритишда ёрдам бериши керак. У билан ажойиб лахзаларни бошимиздан ўтказишга улгурдик.

Неймар хавфли ишга қўл урди. У дунёнинг энг яхши клубларидан бирида ўйнаётганини билса-да, янги чақирувларни истади. Буни тушуниш ва қабул қилишни ҳам билиш керак. Унинг қайтиши Неймарга, ПСЖ ва "Барселона"га ҳам боғлиқ.

Дўсти сифатида қаерда ўйнашидан қатъи назар уни хурсанд кўришни истайман", - деди Суарес.