Стефано Пиоли “Интер”га қарши баҳсдаги мағлубиятдан сўнг нималар деди?

“Биринчи бўлимда режаларимиз ўхшади. 2:0 ҳисобидан ортиқроғига ҳам лойиқ эдик, назаримда. Афсуски, яхшироқ ўйин кўрсатишимиз лозим бўлган икки ҳолатда гол ўтказдик ва бу ўйинни ҳам руҳиятни ҳам ўзгартириб юборди. 3-4 дақиқа орасида ўтказилган 2 та гол ўйин тақдирини ҳал этди. Ўйин охирларида Ибрада яхши вазият бўлди, бироқ гол уриш учун диққатни бир жойга жамлай олмадик. “Интер”да эса бизга қараганда тажрибалироқ жамоа бор. Улар бундай ўйинларга ўрганиб қолган. Шунинг учун ҳам улар яна ўйинга қайта олди. Шунингдек, омадимиз келмади — икки бор дарвоза тўсинини нишонга олдик”, — дейди Пиоли.