Сречко Катанецнинг қачон Ўзбекистонга келиши маълум бўлди
14 aug 2021 11:44
News

Сречко Катанецнинг қачон Ўзбекистонга келиши маълум бўлди

ЎФА миллий терма жамоа устози борасида бир қарорга келди, янги бош мураббий 18 августда Тошкентга келади.

Хабарингиз бор, Ўзбекистон футбол ассоциацияси томонидан мамлакат миллий терма жамоасига янги бош мураббий тайинлаш бўйича бир қатор ишлар олиб борилди.

Жумладан, бир қатор хорижий ва маҳаллий мураббийлар номзоди синчиковлик билан ўрганиб чиқилди. Мураббийлар кенгаши ҳамда мутахассисларнинг таҳлили ва тавсиясига кўра якунда Ўзбекистон миллий терма жамоаси бош мураббийлигига словениялик тажрибали мутахассис Сречко Катанец номзоди маъқул, деб топилди.

ЎФА ҳозирга қадар словениялик мураббий билан оғзаки келишувга эришди ва келаётган ҳафтада, аниқроғи 18 август куни Сречко Катанец ўзаро музокараларнинг якуний босқичини ўтказиш учун юртимизга ташриф буюриши кутилмоқда.

Link :

Source : t.me/Minsportuz

Receive latest football news directly on your phone. Subscribe for our Telegram channel!

Rating: +30