Сречко Катанец: "Ўзбекистон терма жамоаси билан яхши ишларни амалга оширишга умид қиламан"
20 aug 2021 11:21
News

Сречко Катанец: "Ўзбекистон терма жамоаси билан яхши ишларни амалга оширишга умид қиламан"

Ўзбекистон терма жамоаси бўлиши кутилаётган словениялик мураббий Сречко Катанец кеча Тошкентдаги "Бунёдкор" ва "Жар" стадионларига ташриф буюрди.

Ташриф чоғида мураббий стадионлар ҳолати билан танишди ва ўз фикрларини билдирди.

"Стадионларни кўриб чиқдим. Футбол майдонлари об-ҳаво туфайли унчалик яхши ҳолатда эмас. Умид қиламанки келгусида барчаси яхши бўлади. Яқинда ҳамма нарса ўзгаради, чунки ўйинчилар алмашади. Ўзбекистонда кимлар борлигини, ким чет элда ўйнаётганини кузатиб борамиз.

Нима бўлган бўлса бу энди ортда қолди. Умид қиламанки, Ўзбекистон терма жамоаси билан яхши ишларни амалга ошираман. Мен қўлимдан келганича ҳаракат қиламан. Энг муҳими бизга яхши футболчилар керак", - дейди Сречко Катанец Узрепорт ТВ каналига.