Сречко Катанец Ироқни тарк этди, бунга сабаб уч ойдан бери маош олмаётгани

ЖЧ саралаш ўйинларида Ироқ жуда яхши натижаларни қайд этяпти ва 11 очко билан ўз гуруҳида 1-ўринни эгаллаб турибди. Шунга қарамай, терма жамоа бош мураббийи Сречко Катанец ишдан бўшашни лозим топди, бунга сабаб уч ойдан бери маош олмаётгани. 

Мураббийнинг агенти Беҳруз Дезҳбоднинг айтишича, словениялик мураббий билан шу йилнинг 23 август куни янги шартнома имзоланган ва янги шартномага кўра, Катанец 400 минг доллар олиши керак бўлган. Бироқ орадан 3 ой ўтибди ҳамки, Сречко Катанец ҳали маош олгани йўқ. Шу боис европалик мураббий гуруҳда биринчи ўринда бораётган жамоани тарк этишга мажбур бўлди.