Солигорскнинг "Шахтёр" клуби академиясида яна бир ўзбекистонлик мураббий иш бошлади

Бироқ бугунги кунга келиб Беларусь чемпионати вакили Солигорскнинг "Шахтёр" клуби академиясида икки нафар мураббийимиз фаолият олиб бормоқда. Бунга қадар "Бунёдкор", "Сўғдиёна", "Динамо" клубларини бошқарган Сергей Лушчан солигорскликлар академиясида иш бошлаганди. Яқинда ушбу мутахассисга доимий равишда кўмаклашиб келган, жорий йилда "Машъал"да Александр Хомяковга ёрдам бераётган Муҳиддин Ортиқов ҳам Беларусга йўл олди. Мураббий "Шахтёр" Солигорск академиясида 2005 йилда туғилган болалардан иборат жамоани бошқарадиган бўлди. 

"Тўғри йил бошида "Машъал"га келган эдим. Кейинчалик Сергей Ивановичнинг таклифига Беларусга кетдим. Муборакликлар билан шартнома тузаётганимда шундай банд бор эди. Солигорскнинг "Шахтёр" клубида фаолиятимни бошладим. Айни пайтда 2005 йилда туғилган футболчилардан иборат жамоани шуғуллантирмоқдаман",- дейди Муҳиддин Ортиқов. 

Мазкур мураббий билан ташкил қилинган эксклюзив интервьюни тез орада эътиборингизга ҳавола қиламиз. Бизни кузатишда давом этинг!