"Сўғдиёна" ҳимоячиси "Локомотив"га ўтди
14 jan 2020 12:16
News

"Сўғдиёна" ҳимоячиси "Локомотив"га ўтди

Ўтган мавсум "Сўғдиёна"да ўйнаган ҳимоячи Шерзод Файзиев фаолиятини бошқа клубда давом эттиради.

Футболчи Тошкентнинг "Локомотив" клуби билан бир йиллик шартнома тузди. Бу ҳақда Файзиевнинг ўзи сайтимизга маълум қилди.

"Кеча кечки пайт "Локомотив" билан келишувга эришдим ва бугун шартнома туздим. Янги мавсумда миллий чемпионатда ва ОЧЛда клубда ёрдам беришга ҳаракат қиламан. "Сўғдиёна" клубидаги барчага раҳмат айтаман", - дейди Файзиев.

Маълумот учун, ҳимоячи учун ушбу клуб бегона эмас. 2016 ва 2017 йилги мавсумларда у "Локомотив"да ўйнаган.