Собир Ҳамидов: “Мавсум стартигача яхши спорт формамизга кириб оламиз”

Ушбу баҳсдан сўнг “Қўқон-1912” клуби футболчиси Собир Ҳамидов тайёргарлик тўғрисида фикр билдирди.

“Кеча Жиззахнинг “Сўғдиёна” жамоасига қарши навбатдаги ўртоқлик учрашувини ўтказдик. Ушбу баҳс ўртоқлик мақоми остида ўтган бўлсада, кескин курашларга бой бўлди. Юклама билан ўйнаганимиз билинди. 3 январь санасидан бошлаб Тошкентда йиғин ўтказган бўлсак, 20 кун ичида бор эътиборимизни жисмоний ҳолатимизга қаратдик. Шу кунгача “Пахтакор”, “Навбаҳор”, “Металлург” ва “Сўғдиёна” жамоаларига қарши назорат баҳсларини ўтказдик. Мавсумгача яхши спорт формамизга кириб оламиз”, - дейди “Қўқон-1912” жамоаси футболчиси Собир Ҳамидов.