Сломка баёнот беришдан бош тортмоқда
30 dec 2013 12:10
News

Сломка баёнот беришдан бош тортмоқда

Яқинда Германиянинг "Ганновер" жамоаси бош мураббийи Мирко Сломка вазифасидан озод этилганидан хабарингиз бор.

Муддатидан аввал истеъфога чиқарилганидан ранжиган мураббий журналистларга ишдан бўшатилиши борасида ахборот беришни истамаяпти.

"Мен у ердан кетдим ва бошқа бирор нима дейишни истамайман", - дея истеъфосига шарх беришдан бош тортди Сломка.

Мирко Сломка шу пайтга қадар фақат шахсий веб-саҳифаси орқали "Ганновер" мухлисларига мурожаат этиб, уларга тўрт йиллик илиқ ҳамкорлик учун миннатдорчилик билдирди.

"Қадрли "Ганновер" мухлислари, сизларга тўрт мавсум давомида бизни доимо кўтаринки руҳда қўллаб-қувватлаб турганингиз учун ўз миннатдорчилигимни билдираман. Сизлар билан ўтган ажоиб дамларимни асло унутмайман. Истайманки, жамоага доим содиқ қолинг ва йигитларни қўллаб-қувватлашда ҳеч ҳам чарчаманг!", - деди "Ганновер"нинг эндиликдаги собиқ устози.

"Билд" нашрининг ахборот беришича, Сломка "Ганновер"дан эрта бўшатилгани туфайли 1,5 млн евро миқдорида компенсация олади. Эслатиб ўтамиз, у 2010 йилдан буён Ганновер шаҳри бош жамоасини бошқариб келаётган эди.

Link :

Source : sport1.de

Receive latest football news directly on your phone. Subscribe for our Telegram channel!

Rating: