Силва "Милан"га қайтмайди
11 mar 2020 01:54
News

Силва "Милан"га қайтмайди

"Calciomercato" нашри хабарига кўра, "Милан" клуби ижрочи директори Звонимир Бобан истефогага чиққанидан сўнг, ПСЖ ҳимоячиси Тьяго Силванинг "россонерилар" сафига ўтиши амалга ошмайдиган бўлди.

35 ёшли бразилиялик футболчининг Париж клуби билан амалдаги шартномаси мавсум охирида якунланади ва катта эҳтимол билан Силва янги жамоа излашга мажбур бўлади. Аввалроқ футболчига "Милан" қизиқиш билдираётгани ва Бобан Силва билан бу мавзуда суҳбатлашгани тўғрисида хабар берилганди. Хорватиялик собиқ футбол юлдузининг клуб бошқарув постидаги вазифасини тарк этиши Тьяго Силванинг "қизил-қоралар" таркибига қайтиш эҳтимолини кескин пасайтириб юборган.

Эслатиб ўтамиз, Тьяго 2009-2012 йилларда итальян жамоаси шарафини ҳимоя қилганди.

Link :

Source : Calciomercato

Receive latest football news directly on your phone. Subscribe for our Telegram channel!

Rating: +2