Швеция ёшлари (U-21) Европа чемпиони!
01 jul 2015 11:37
News

Швеция ёшлари (U-21) Европа чемпиони!

Чехия мезбонлик қилган футбол бўйича ёшлар (U-21) ўртасидаги Европа чемпионати ўз якунига етди. Ҳал қилувчи финал учрашувида Швеция ва Португалия терма жамоалари майдонга тушишди.

Ўйин бошланиши олдидан собиқ Чехославкиянинг афсонавий футболчиси, 1962 йилги “Олтин тўп” соҳиби Йозеф Масопустнинг вафоти муносабати билан бир дақиқалик сукут сақланди.

Прага шаҳрида ўтказилган ўйиннинг асосий ва қўшимча бўлимларида ҳисоб очилмади. Пенальтилар сериясида эса омад швециялик футболчиларга кулиб боқди. 4:3 ҳисобида зафар қучган Швеция терма жамоаси Европа чемпионига айланди.

1972 йилдан бери икки йилда бир маротаба ўтказиб келинаётган ёшлар ўртасидаги Европа чемпионатида Швеция терма жамоаси ўз тарихида илк бор қитъа чемпиони бўлди. Шунингдек, Швеция ва Португалия терма жамоалари 2016 йили Рио-де-Жанейро шаҳрида ўтказиладиган Олимпиада йўлланмасини ҳам қўлга киритишди.

Link :

Source : olamsport.com

Receive latest football news directly on your phone. Subscribe for our Telegram channel!

Rating: