Шуҳрат Мақсудов: "Ўйин жанговар тарзда ўтди"

"Ўйин жанговар тарзда ўтди. Шундай бўлиши кутилганди. Ўзим футбол ўйнаб юрган пайтимда ҳам Наманганда ўйинлар шундай ўтарди. "Навбаҳор" ва унинг мухлисларини ғалаба билан табриклайман.

Фарруҳ Икромовнинг соғлиғи яхши, Италиянинг Рим шаҳрида операцияни бошдан ўтказиб, қайтиб келди. Ўзбекистон футбол ассоциациясига ушбу жарроҳлик амалиётини ўтказишда берган ёрдами учун раҳмат айтаман. Иккинчи таймда гол урганимиздан кейин тажрибали футболчиларимиз камлиги таъсир ўтказди. Бу – ҳаёт, бу – спорт, футболчилар шу каби хатолар туфайли ўсишга эришади. Йигитларга раҳмат айтаман. Спортда хатолар учраб туради.

Худога шукур, молиявий масалалар ҳал бўляпти. Раҳбаримиз футболга жуда қизиқадилар, жамоадан хабар олиб турадилар. Лекин йил бошида футболчи ололмадик, шу боис асосан, академиядан чиққан ёшлар билан ўйин ўтказишга мажбур бўлдик. "Бунёдкор" ўз олдига юқори мақсадларни қўяди, шунинг учун таркибга кучли футболчиларни жалб қилиш лозим. Кейинги мавсумда ҳаммаси яхши бўлади, деган умиддаман", – деди "қалдирғочлар" устози.