"Шўртан" машғулотларга 10 октябрдан киришади
09 oct 2013 11:43
News

"Шўртан" машғулотларга 10 октябрдан киришади

"Шўртан" жамоаси футболчиларига 21-турдаги "Қизилқум" - "Шўртан" учрашувидан сўнг миллий терма жамоамизнинг Осиё Кубоги саралаши бўйича бўладиган учрашуви туфайли вужудга келган қисқа танаффусда 10 октябргача дам олиш эълон қилинган эди.

Зоир Тўрақулов бошчилигидаги жамоа аъзолари 10 октябрь куни Ғузорда клуб базасида йиғилишади ва икки маҳалдан машғулотлар олиб боришади.

Жамоани навбатдаги турда ҳам муҳим учрашув кутиб турибди. 22-турдаги учрашувда "Шўртан"нинг рақиби воҳамизнинг бош жамоаси "Насаф" жамоаси бўлади. Воҳа дербиси деб ном олган ана шу учрашув 18 октябрь куни Ғузорда бўлиб ўтади.

Ушбу учрашув доимо муросасиз ва жуда қизиқарли бўлиб ўтган. Биринчи даврадаги учрашувда "оқ бўрилар"ни майдонга Эдгар Гесс бошлаб тушган бўлса, навбатдаги учрашувда бир вақтлар бир жамоада тўп сурган икки собиқ футболчилар ўз шогирдларини майдонга бошлаб тушишади.

Ана шу муҳим учрашувни ҳис этиб турган жамоамиз аъзолари машғулотларга пайшанба кунидан киришадилар.

Link :

Source : fcshurtan.uz

Receive latest football news directly on your phone. Subscribe for our Telegram channel!

Rating: