"Шўртан" - "Бухоро" учрашувида Равшан Эрматов ишламайди

ПФЛ кеча 24-тур учрашувларини бошқарадиган ҳакамлар бригадасини эълон қилди. Унга кўра, "Шўртан" - "Бухоро" баҳсига Равшан Эрматов бош ҳакам этиб тайинланганди. Аммо орадан кўп ўтмай, учрашув бош ҳаками ўзгаргани маълум қилинди. Бу ҳақда "Шўртан" расмий сайти хабар тарқатди. 

"10 октябрь куни Сиднейда бўлиб ўтган Австралия ва Сурия терма жамоалари ўртасидаги ЖЧ-2018 саралашининг плей-офф босқичи жавоб учрашувини бошқарган Эрматов жароҳат олди. Шу сабабли, “Шўртан” – “Бухоро” учрашувига бош ҳакам этиб тайинланган Равшан Эрматов ўрнига жамоамизнинг 24-тур доирасидан ўрин олган баҳсини бошқариш Виктор Серазетдиновга топширилди", дея ёзади клуб сайти. 

Шундай қилиб, Ғузордаги ўйинни қуйидаги ҳакамлар бошқариб боришади. 

Олий лига. 24-тур. 14.10.2017 йил.
«Шўртан» (Ғузор) – «Бухоро» (Бухоро)

Бош ҳакам: Виктор Серазетдинов (Тошкент)
Қанот ҳакамлари: Абдуҳамидулло Расулов ва Жаҳонгир Саидов (иккаласи ҳам Тошкент шаҳридан)
Захира ҳаками: Жасур Мухторов (Тошкент)
Назоратчи: Сардор Наджафалиев (Тошкент).
ЎзПФЛ вакили: Роман Черников

Эслатиб ўтамиз, 14 октябрь куни Ғузор “Марказий” ўйингоҳида бўлиб ўтадиган “Шўртан” – “Бухоро” учрашуви соат 16:45да старт олади.