Шоҳрух Гадоев — апрель ойининг энг яхши футболчиси
14 may 2015 16:35
News

Шоҳрух Гадоев — апрель ойининг энг яхши футболчиси

Ўзбекистон Профессионал Футбол Лигаси ва “Championat.asia” ҳамкорликда ташкил этган ой лауреатларининг навбатдаги ғолиблари аниқланди.

Мураббийлардан фарқли равишда футболчилар ичида кураш қизғин кечди. 57 очко тўплаган Шоҳрух Гадоев “Насаф” учун керакли ўйинчи эканлигини исботлай олган ҳолда юқори ўринни қўлга киритди. Мавсум кашфиёти бўлаётган Икром Алибоев ҳақли равишда ойнинг энг яхши футболчилари қаторидан жой олди.

Футболчиларнинг апрель ойидаги кўрсаткичлари:

Шоҳрух ГАДОЕВ - Ярим ҳимоячи (“Насаф”)

Гадоев апрель ойида учта ўйинда майдонга тушди ва тўлиқ 90 дақиқадан тўп тепди. "Қўқон-1912" жамоасига бир, "Қизилқум"га эса икки марта гол уришнинг уддасидан чиқди.

Игорь СЕРГЕЕВ - Ҳужумчи (“Пахтакор”)

Апрель ойида ҳужумчи учта ўйинда майдонга тушди. "Бухоро"га қарши ўйинда Сергеев ўз фаолиятидаги биринчи хет-трикини нишонлади. "Пахтакор" - "Шўртан" баҳсида эса голли пас муаллифи бўлди.

Зоҳир ҚЎЗИБОЕВ - Ҳужумчи (“Машъал”)

Ҳужумчи учта ўйинда майдонга тушди. "Олмалиқ" дарвозасига бир марта, "Қўқон-1912"га эса икки марта гол урди.

Никита ПАВЛЕНКО - Ярим ҳимоячи (“Олмалиқ”)

Олий лига доирасидан ўрин олган 3та ўйинда Никита жами 4та гол пас берди. "Қўқон-1912" жамоасига битта, сафарда "Бухоро"га 3та.

Икром АЛИБОЕВ - Ярим ҳимоячи (“Локомотив”)

1994 йилда таваллуд топган Алибоев "Локомотив"нинг апрель ойидаги энг яхши ўйинчиси бўлди. "Бунёдкор" билан ўйинда голли пас муаллифи бўлган футболчи "Пахтакор" дарвозасига гол уриб жамоасининг ғалабасига муносиб улуш қўшди.

ЎзПФЛ ва “CA” соврини ғолиби бўлган футболчининг апрель ойидаги натижалари:

Ўрин	Футболчилар	Клуб	I	II	III	IV	V	Жами
1	Ш. Гадоев	“Насаф”	6	4	3	1	-	57
2	И. Алибоев	“Локомотив”	5	5	1	2	1	53
3	З. Қўзибоев	“Машъал”	1	2	4	5	2	37
4	И. Сергеев	“Пахтакор”	1	2	3	3	4	32
5	Н. Павленко	“Олмалиқ”	-	1	3	2	6	23