Шимолий Ирландиядаги аэропортга Кайл Лафферти номи берилди
12 jun 2016 13:51
News

Шимолий Ирландиядаги аэропортга Кайл Лафферти номи берилди

Шимолий Ирландия пойтахти Белфаст шаҳридаги халқаро аэропорт бир кунга Кайл Лафферти номини олди.

Шу тариқа ходимлар терма жамоанинг Евро-2016даги илк ўйинини нишонлашди. Шимолий Ирландия ўз тарихида илк бор Европа чемпионати финал босқичига чиққан.

Қолган вақтда аэропорт афсонавий Жорж Бест номи билан аталади.

Лафферти – ҳозир термада бўлганлар орасида энг кўп гол урган футболчи (17та гол).

Шимолий Ирландия бугун Польшага қарши ўйнайди. Баҳс Тошкент вақти билан соат 21.00да бошланади.