Шерзод Жалилов: "Олий лигада қолиш учун курашамиз"
31 oct 2017 18:14
News
![](https://championat.asia/upload/storage/286189_original.jpg)
![](/upload/storage/286189_220.jpg)
Шерзод Жалилов: "Олий лигада қолиш учун курашамиз"
Бу йилги Ўзбекистон чемпионати олий лига баҳсларида ғалвир сувдан кўтарилмоқда. "Сўғдиёна" клуби футболчиси Шерзод Жалилов "Пахтакор"га қарши учрашувдан олдин ўз фикрларини билдириб ўтди.
"Пахтакор"га қарши ҳар доим қийин ўйин бўлиб келган. Навбатдаги турдаги учрашув ҳар иккала жамоа учун ҳам қийин бўлади. Биз фақат ғалаба қозониш учун майдонга чиқамиз. Куни кеча ЎФФ томонидан қабул қилинган қарор мени ўйлантириб қўйди. Кейинги йили 12та жамоа иштирок этар экан. Айни дамда турнир жадвалида биз 13-поғонадамиз. Бизни ишимиз футбол ўйнаш, қолган нарсаларни раҳбарлар хал қилишади. Бу борада бирор нарса дейишим қийин.
Ҳозирча бошқа жамоага ўтиш ҳақида ўйламаяпман. Қандай жамоа бўлишидан қатъий назар олий лигада тўп тепмоқчиман. Тўғриси, "Сўғдиёна"дан кетиш ҳақида ўйлаб кўрмадим. Жамоадошларим билан йиғилиб қолган 4та турда ғалаба қозониш кераклиги тўғрисида гаплашиб олдик. Агарда яхши натижа билан чемпионатни якунласак, олий лигада қолишга имкониятимиз бўлади. Олий лигада қолиш учун курашамиз", - дейди "Сўғдиёна" футболчиси Шерзод Жалилов
![](https://championat.asia/upload/storage/286185_680.jpg)
Жаҳонгир Сотволдиев суҳбатлашди
Similar news
![AMP Logo](https://championat.asia/image/logo-amp.png)
Comments