"Шахтёр" ФИФАни судга берди, клуб ташкилотдан 50 млн евро талаб қилмоқда

Хорижлик футболчиларга шартномаларни тўхтатишга рухсат берувчи ФИФА тузатиши Украина клубларига ҳам тегишли эди. "Шахтёр" клуби ушбу қарор устидан Спорт арбитраж судига (CAS) даъво аризаси билан мурожаат қилишга қарор қилди. "Кончилар" ФИФАдан етказилган зарар учун 50 миллион евро миқдорида товон пули талаб қилмоқда. Донецк клуби ҳисоб-китобларига кўра, тўрт нафар легионерни сотиш орқали тахминан юқорида кўрсатилган сумма миқдорида даромад олиш мумкин эди. ФИФА тузатмаси "Шахтёр"га ушбу трансферларни амалга оширишга рухсат бермади.

Эслатиб ўтамиз, "Шахтёр" 2022/2023 йилги мавсумда Чемпионлар лигасининг гуруҳ босқичида иштирок этади. Украина чемпиони ўз уй учрашувларини Варшавада ўтказади.