Шавкат Саидов: "Металлург”нинг барча ўйинчилари ўзларининг оптимал формасига киришган"

Шавкат Саидов, “Металлург” ФК жамоа бошлиғи: Ўйиннинг белгиланган вақтидан кечроқ бошланиши мезбонлар ўйинчиларига салбий таъсир кўрсатди назаримда.

Спортда “перегорели” – “ёниб бўлишди” деган ибора бор-у, шунга ўхшаш ҳолат кузатилди. Бизнинг футболчиларимиз эса мураббийларнинг кўрсатмаларини аниқ, бекаму-кўст бажаришди.

Майдон эгаларининг дастлабки тазъйиқини бартараф этганимиздан кейин тўп назоратини қўлга олдик. Мезбонларни тўпсиз қолдиришимиз уларнинг ўйинига салбий таъсир кўрсатди. Биринчи тайм тугаб бораётганда жамоамиз тўпурари Шаҳзодбек Нурматов ўзини кўрсатди. Шуни айтиш керак, бугунги кунда “Металлург”нинг барча ўйинчилари ўзларининг оптимал формасига киришган.

Бу “Шўртан”га қарши ўйинда ҳам яққол намоён бўлди. Жисмоний тайёргарлигимизнинг юқорилиги, футболчилар руҳиятининг кўтаринкилиги йирик ғалабамиз омили бўлди. Бизни мавсум давомида қўллаб қувватлаб турган барча инсонларга, фидойи мухлисларимизга миннатдорчилик билдираман. Иккинчи даврада ҳам чиройли, мазмунли ўйинларимиз билан ишқибозларимизни хурсанд этишга ҳаракат қиламиз.