Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Шавкат Насибуллаев: Ғузорликлар билан дўстона хайрлашдим News

Шавкат Насибуллаев: Ғузорликлар билан дўстона хайрлашдим

Ўтган мавсум биринчи лигада Шўртанучун ўйнаган Шавкат Насибуллаев куни-кеча жамоа лагерини тарк этди. Шундан сўнг ҳимоячи билан боғланиб, бу борада фикрларини билишга қизиқдик.
- Шавкат ака, Шўртанни тарк этганингиз ҳақида маълумотларга эгамиз. Буни қандай изоҳлайсиз?
- Нима дейишим мумкин?! Ҳаммаси оддий кечди. Мураббий хориждан иккита легионер ҳимоячи келаётганини таъкидлади ва жойни бўшатиб қўйишимни тушуниб етдим.

- Ўтган йили жамоанинг яна кучлилар сафига қайтишида ҳисса қўшгандингиз. Бугунда эса жамоа сиз билан хайрлашишни лозим топди. Воқеалар ривожи бундай тус олишини кутмаган бўлсангиз керак?
- Албатта. Бу йил ҳам жамоада қолиб, олий лигада ўйнамоқчи эдим. Лекин баъзида шундай кутилмаган ходисалар учраб туради. Бунга тайёр туриш керак.

- Мураббийнинг сиз билан хайрлашиш қарорини эшитиш, руҳий холатингизга таъсир ўтказгандир?
- Бу - футбол! Мухтор ака Қурбонов билан муносабатимиз ҳалигача яхши. Ҳеч қандай ҳафагарчилик бўлмади ва бир-биримизга келажакда омад тиладик. Қолаверса жамоадагилар билан ҳам дўстона равишда хайрлашилди.

- Сиз билан нима учун бундай бўлганини кейинчалик атрофлича ўйлаб кўрдингизми? Демоқчиманки, бугунги тайёргарлигингиздан шикоят йўқми?
- Нима деса бўлади, жамоа 7 декабрь куни тайёргарликни бошлаганди. Шундан буён барча машғулотларда иштирок этдим. Имкон қадар ўзимни кўрсатишга уриндим. Бу саволга мураббийлар аниқроқ жавобни бериши мумкин.

- Гарчи ўтган йили деярли ҳар бир учрашувда майдонга тушган бўлсангизда, сизда ортиқча вазн юзага келганини кўриш мумкин. Бу нима билан боғлиқ деб ҳисоблайсиз?
- (Кулиб) Бу - менда туғма. Машғулотларда вазн йўқотиш мақсадида астойдил тер тўкдим ва бунга қанчадир миқдорда эришдим.

- Эндиги режалар қандай?
- "Шўртан" билан яқиндагина хайрлашганим боис ҳозирча уйдаман. Очиғини айтганда, таклифлар йўқ. Билмадим агар кейинроқ қайсидир клубдан чорлов бўлса, ўйлаб кўрарман.

- Ўтган йили биринчи лигада ўйнадингиз. Нима деб ўйлайсиз, бу йил яна олий лигада ўйнаб кета оласизми?
-Ҳаммасини вақт кўрсатади. Сизга айтсам, элитада ўйнашга кучим етади ва бунинг учун доимо харакат қиламан.


Исломбек Рустамбеков.
Rating:    

Comments

championat.asia
< show latest news
Яндекс.Метрика