Latest news

01:20ОЧЛ 2. "Ал Ҳалдия" ўз уйида "Арқадағ"ни мағлубиятга учратди. "Андижон" жойлашган гуруҳда ҳолат қандай?  0 01:01Сардор Азимов: "Биринчи бўлимда гол уришни мақсад қилгандик. Жамоада муҳит аъло даражада"  1 00:31"Барса" тез орада де Йонг билан шартномани узайтиради  0 00:06ЕЧЛ. "Ньюкасл" йирик ғалаба қайд этди, "Қорабоғ" "Копенгаген"ни енгди  0 00:05ЕЧЛ. Бугунги кундан ўрин олган учрашувлар давом этмоқда (онлайн ҳисоб)  5 00:05ЕЧЛ. "Монако" - "Манчестер Сити" (онлайн ҳисоб)  6 00:05ЕЧЛ. "Барселона" - ПСЖ (онлайн ҳисоб)  59 23:42Қозоғистонлик тадбиркор "Реал"дан бешта гол ўтказган "Қайрат"нинг 18 ёшли дарвозабонига машина совға қилди  2 22:50Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"  13 22:32"Элче" "Барса"га қарши ўйин анонсида учрашув "Камп Ноу" стадионида ўтказилишини маълум қилди  0 21:54"Ал Аҳли" устози: "Дурангдан қониқмадик, аммо натижа адолатли бўлди. Бу каби атмосферани маҳаллий чемпионатда доим ҳам кўравермаймиз"  9 21:20Жуд Беллингем Англия терма жамоасида йил футболчиси деб тан олинди  2 20:40ОЧЛ-2. "Андижон" "Бобур Арена"да "Ал Аҳли" билан дуранг ўйнади  95 20:29Феде Вальверде кечаги ўйиндан кейинги айбловларга жавоб берди: "Суягим синган ҳолатларда ҳам ўйнаганман. Бу айбловлар мени хафа қилди"  5 20:00"Барселона" - ПСЖ — ҳужумчилар лазаретда, топ ярим ҳимоячилар тўқнашувида ким ғолиб бўлади?  8

"Шаҳрихончи", "Қумқўрғон-1977" ва "Зомин" Биринчилик кубогига қўйилмайди News

"Шаҳрихончи", "Қумқўрғон-1977" ва "Зомин" Биринчилик кубогига қўйилмайди

24 сентябрь куни Биринчи лиганинг сўнгги тур учрашувлари бўлиб ўтганди.

Регламент асосида навбат Биринчилик кубогига етиб келди. Ундан аввал эса Лига мусобақа иштирокчиларининг умумий иш фаолиятини ўрганиб чиқди. 

Афсуски, Биринчи лигада иштирок этаётган футбол жамоаларининг айримлари қонунчилик ҳужжатлари асосида фаолият юритишда сусткашликка йўл қўймоқда. Жумладан, "Шаҳрихончи", "Қумқўрғон-1977", "Зомин" каби жамоалар мавсум аввалида Лига томонидан қўйилган талабларнинг бирортасини бажармаган.

"Шаҳрихончи" футбол клубида бухгалтерия ҳисоби, ҳужжатлар умуман юритилмайди. Футболчилар билан меҳнат шартномалари шунчаки расмийлаштирилган, уларга иш ҳақи деярли тўланмайди. Клубда раҳбарият, ходимлар, мураббийлар учун шароит мавжуд эмас. Энг ачинарлиси, клуб директори номига тайинланган бўлиб, у Лига мутахассислари билан суҳбатда ўзининг клубга алоқадор шахс эмаслигини маълум қилган ва бирор масалада масъулиятни ўз зиммасига олмаган.

Сўнгги икки мавсум давомида Лига Шаҳрихон туманида катта футбол учрашувларини ташкил этиш учун ҳаракат қилди. Жамоа Иккинчи лига ғолиби сифатида Лига қатнашчилари сафига қўшилганди. Аммо туманда футбол на ҳокимлик ва на ҳомийлар томонидан қўллаб-қувватланди. Тумандаги стадионни яхшилаш бўйича берилган кафолат ва ваъдалар бажарилмади. Шундан келиб чиқиб, Лига "Шаҳрихончи" жамоасига фаолиятини Иккинчи лигада давом эттиришни тавсия қилади. Уни қатнашчилар сафидан чиқариш масаласи Лига Ижроия қўмитаси кун тартибига киритилади.

Шунингдек, мутахассисларимиз Қумқўрғонда бўлиб, "Қумқўрғон-1977" жамоаси фаолияти билан ҳам қайта танишиб чиқди. Клубда ҳужжатлар қисман юритилади, бироқ бухгалтерия ҳисоби белгиланган тартибда юритилмайди. Бунинг оқибатида клуб ҳисоб-рақамига келиб тушган ҳомийлик маблағлари айнан қандай мақсадларда ишлатилганини тасдиқловчи ҳужжатлар етарли эмас. Футболчиларга мавсум бошидан буён фақатгина бир марта иш ҳақи тўланган бўлиб, қолган даврлар учун тўловлар масаласи ҳал этилмаган. Шунинг учун жамоада раҳбарият ҳамда айрим футболчилар ўртасида зиддият юзага келган. Қўшимчасига, жамоа Биринчи лиганинг сўнгги 17-турига асоссиз ташриф буюрмади. Юқоридагилардан келиб чиқиб, "Қумқўрғон-1977" жамоаси ҳам Биринчилик кубоги учрашувларига қўйилмайди.

"Зомин" жамоаси 2022 йилги мавсум якунида Лицензиялаш талабларини умуман бажармаганидан келиб чиқиб, ПРО-Лигадан Биринчи лигага туширилганди. Шунга қарамай, жамоа раҳбарияти ПРО-Лигадаги ўрнини сақлаб қолиш учун бир қатор ёлғон маълумотлар билан турли воситаларни ишга солиб кўрди. Ваҳоланки, "Зомин" клубининг бугунги аҳволи Биринчи лига талабларига ҳам жавоб бермайди. Унда ҳужжатлар ва бухгалтерия ҳисоби белгиланган тартибда юритилмайди. Клуб учун етарлича шароитлари мавжуд стадион ҳамда ўқув-машғулот базаси қуриб берилган бўлса-да, футбол клубида фаолият юритаётган биргина шахсдан бошқа раҳбарият органи фақат қоғоздагина мавжуд. Футболчиларга март ва апрель ойлари учун иш ҳақи қисман берилган, қолган ойларда уларга шартнома асосида иш ҳақи тўланганлиги юзасидан маълумот мавжуд эмас. Клуб деярли молиялаштирмаслигидан келиб чиқиб, унинг сафар ва бошқа ҳаражатлари нақд пул кўринишида қоплаб борилган. Бироқ бу маблағлар манбаси маълум эмас. Ўрганишлар натижаси шуни кўрсатадики, "Зомин" футбол клубининг Иккинчи лига жамоасидан мутлақо фарқи йўқ.

Лига, шунингдек, "Дўстлик Тошкент", "Пахтакор-79", "Янгиер", "Жиззах" каби клублар фаолиятида ҳам айрим камчиликларни қайд этди. Бироқ мазкур камчиликлар юқоридагилар каби эмаслигидан келиб чиқиб, мазкур жамоаларга мавсум якунига қадар имконият тақдим этилади. Декабрь ойига қадар бу камчиликлар бартараф этилмаса, мазкур жамоаларнинг Лига қатнашчилари сафида қолиши масаласи Ижроия қўмита кун тартибига киритилади.

Rating:    

Comments

championat.asia
< show latest news
Яндекс.Метрика