Latest news

19:15Ўзбекистон Кубоги. "Нефтчи" - "ФарДУ"  1 19:02Ўзбекистон кубоги. "Шўртан"дан йирик ғалаба, "Навбаҳор" Тошкентда, "Машъал" Иштихонда зафар қучди  3 18:05Акобирхўжа Шукуруллаев ишлаган ўйинда меҳмон жамоага техник мағлубият ёзилди. Нимага?  0 17:57Сериал давом этади. Анчелотти Бразилия терма жамоаси билан музокараларни давом эттирмоқда  3 17:00Марказий Осиё. "Аркадағ" ва "Истиқлол" пешқадамликни бой берди, "Абдиш-Ата" кучли учликдан узоқлашди  0 16:52Ўзбекистон U-15 терма жамоаси Тошкент вилояти футбол академияси U-16 жамоасини мағлуб этди  1 16:42"Ал Ҳилол" Анчелоттига йилига 50 млн евро таклиф қилмоқда  3 16:29Лутфулла Тўраев, Садриддин Абдуллаев, Камолиддин Тожиев — U-19 чемпионатида бу йил яна кимлар мураббийлик қилмоқда? (1-қисм)  0 15:46"Футбол олами". Меҳмонлар умуман гол ура олмаган 7-тур ҳақида батафсил  0 15:09Анчелоттидан "Реал" ҳам, Бразилия федерацияси ҳам норози   4 14:10Хави ёки тен Хаг Бундеслигада иш бошлаши мумкин  1 14:01Азизбек Ғаниев: "БАА Ўзбекистон билан ўйинга кичкина стадионни танлаганидан хайрон қолдим"  13 13:44Етакчи лигаларни бирлаштирган Жером Перлемутер июнда Тошкентга келади  3 13:34Ҳакам "Пахтакор" дарвозабонини майдондан четлатиб, тўғри қарор қилдими? Суперлиганинг 7-туридаги ҳакамлик фаолияти таҳлили  3 13:13Кунде уч марта кеч қолиб, захирада қолиб кетгани учун "Барселона" ходимларидан ёрдам сўради  8

"Шабаб Ал Аҳли" бош мураббийи: "Насаф"га қарши ўйинда Азмунни майдонга туширмаганимга бир қанча сабаб бор" News

"Шабаб Ал Аҳли" бош мураббийи: "Насаф"га қарши ўйинда Азмунни майдонга туширмаганимга бир қанча сабаб бор"

ОЧЛ-2 доирасида “Насаф”га қарши ўйиндан кейин (1:2) ташкил этилган матбуот анжуманида "Шабаб Ал Аҳли" бош мураббийи Паулу Соуза иштирок этди.

- Бугунги ўйин ҳақида қандай фикрдасиз?
- Ғалаба билан "Насаф" бош мураббийи ва футболчиларини табриклайман. Қизиқарли ўйин гувоҳига айландик. Рақиб жамоанинг иккинчи бўлимдаги ўйинини эътироф этиш жоиз. Улар танаффусдан буткул бошқача кайфиятда чиқишди ва ўйин тизгинини ўзгартиришди. Шогирдларим баъзи вазиятларда позиция танлашда хатога йўл қўйишди. Қолаверса, иккинчи бўлимда йигитларда толиқиш аломатлари пайдо бўлди. Шу боис, ўзгаришлар амалга оширдик. Бироқ захирадан майдонга тушган ўйинчилар ўзини оқламади. Бундан ташқари, иккинчи голни ўтказиб юборишимиздан аввалроқ жуда қулай имкониятдан унумли фойдалана олмагандик. Футболда шундай нақл бор: "Сен урмасанг — сенга уришади". Бу гап амалда ўз тасдиғини топди. "Насаф" иккинчи бўлимдаги ўйини эвазига ҳақли ғалаба қозонди, мени рақибни табриклашдан бошқа чорам йўқ.

- Бугунги ўйинда Сардор Азмунни майдонга тушириш эҳтиёжи пайдо бўлмадими?
- Азмуннинг бизга ёрдами теккан бўларди. У истеъдодли ҳужумчи ва позицияларга очилиш ҳамда сўнгги қарорни қабул қилишда бошқалардан тажрибалироқ ҳисобланади. Аммо унинг майдонга туширмаганимга бир қанча сабаб бор. Азмунга бироз вақт керак. Ҳозирча таркибда унинг ўрнини босадиган футболчилар бор. Шу билан бирга, у жароҳатлар туфайли охирги икки йилда ўйин амалиётига эга бўлмади. Сардор эски формасини тиклаб олса, бизга катта ёрдами тегади.

Rating: +10   

Comments

championat.asia
< show latest news
Яндекс.Метрика