Latest news

16:26Жейми Вардининг навбатдаги жамоаси маълум!  1 15:52Пол Паркер: "Де Хеа қайтмаса керак"  1 15:30Эрик тен Хаг истеъфога чиқиш арафасида  6 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  15 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  5

“Севинч” жамоаси таркибидаги ўзгаришлар ҳақида News

“Севинч” жамоаси таркибидаги ўзгаришлар ҳақида

Ўн карра Ўзбекистон чемпиони тўққиз карра Ўзбекистон Кубоги соҳиби бўлган Қаршининг “Севинч” жамоаси таркибида бу йилдан катта ўзгаришлар бўлади.

Жамоамизни бир қатор тажрибали ва кўп йиллар жамоада тўп тепган ўйинчилар тарк этишмоқда. Таркибмизда таниш ибора билан айтганда, “авлодлар алмашинуви” рўй берадиган кўринади.

Демак, моҳир ҳужумчимиз ва жамоамиз тўпурари Зебо Жўраева янги мавсумдан фаолиятини Ғузорнинг “Шўртан Lady” жамоасида давом эттиради. Дарвозабонимиз Ольга Кахарова эса Тошкентнинг “Бунёдкор W” жамоаси шарафини ҳимоя қилади. Ҳужумчи Маҳлиё Сарикова, ярим ҳимоячиларимиз Феруза Турдибоева ва Зумрат Назаровалар Бекободнинг “Металлург W” жамоаси сафига бориб қўшилишди.

Яна бир тажрибали ҳимоячимиз Маҳлиё Юсупова футболчилик фаолиятини якунлади.

Клубимиз мураббийлар штаби жамоани тарк этган ўйинчилар ўрнини бунгача Муборакнинг “Машъал W” жамоасида ўйнаган, аслида “Севинч” клуби тарбияланувчилари бўлган бир қатор ёш футболчи қизлар ҳисобига тўлдиришга қарор қилишди. Жумладан, ҳимоячи Феруза Бобохўжаева, ҳужумчилар Мафтуна Панжиева, Севара Нормуродова, Шоира Қултўраева ва Шахноза Қурбоновалардир. Шуни таъкидлаш жоизки, бу ёш футболчи қизларимиз Бахром Норсафаров бошчилигидаги мамлакатимизнинг U-19 терма жамоасининг ҳам ўйинчилари ҳисобланишади. Жамоамиз сафига бундай ёш футболчилардан яна қўшилиши кутилмоқда.

Ҳозирги кунда жамоамиз сафида яна бир ўйинчи кўрикдан ўтмоқда, бу муқаддам Бекободнинг “Металлург W” жамоаси сафида фаолият юритган тажрибали ярим ҳимоячи Нозима Эргашевадир. Агар бу футболчи мураббийларимизга маъқул келса, янги мавсумдан жамоамиз шарафини ҳимоя қилади.

“Севинч” клуби олдига бу йилги мавсумда ҳам Ўзбекистон аёллар футболидаги барча совринларни қўлга киритиш вазифаси қўйилган.

Владислав Хан, Бахром Норсафаров, Константин Смирнов ва Ольга Беловалардан иборат клубимиз мураббийлар штаби ана шу вазифаларни бажариш учун ўз иш режаларини ишлаб чиқишган ва бу режаларни ҳаётга тадбиқ этиш учун астойдил меҳнат қилишмоқда.

“Севинч” жамоамиз ҳозирги кунда Қарши шаҳридаги қароргоҳида янги футбол мавсумига тайёргарлик машғулотларини олиб бормоқда. Жамоамиз 12-16 феврал кунлари Тошкентда бўладиган мини футбол бўйича аёллар ўртасидаги XIII Ўзбекистон чемпионатининг 2-турида иштирок этади.

Rating: +4   

Comments

championat.asia
< show latest news
Яндекс.Метрика