“Севинч” чемпионат пешқадамига айланди

Бугун биринчи босқичнинг 2-тур учрашувлари ниҳоясига етди.

Олдин хабар берганимиздек жамоамиз икки учрашув ўтказиб, ҳар иккала учрашувда ҳам ғалаба қозонди ва 6 очколик бўлди.

Мазкур чемпионатда жамоамиздан ташқари биронта жамоа кетма-кет ғалаба қозона олмади. Кеча бўлиб ўтган “Юз робот” – “Жиззах” учрашувида йирик 0:12 ҳисоби қайд этилган эди, агар жиззахликлар бугун “Қирқ қиз” жамоаси устидан ҳам каттароқ ҳисобда ғалаба қозонишганда улар чемпионат турнир жадвали карвонбошисига айланиши мумкин эди. Аммо бу уларга насиб этмади. “Жиззах” жамоаси бугун нукуслик қизлар жамоаси билан бўлган учрашувда 1:1 ҳисобини қайд этишди.

Демак, 6 очко тўплаган “Севинч” жамоамиз  ҳозирча турнир жадвалини пешқадами бўлиб турибди.

Қуйида турнир жадвалини эътиборингизга ҳавола қиламиз.