Сеск Фабрегас: “Қолган ўйинларда ғуруримизни намойиш этишимиз шарт”
29 apr 2018 08:08
News

Сеск Фабрегас: “Қолган ўйинларда ғуруримизни намойиш этишимиз шарт”

“Челси” клуби ярим ҳимоячиси Сеск Фабрегас АПЛ 36-туридан ўрин олган “Суонси Сити”га қарши кечган ўйин ҳақидаги фикрлари билан ўртоқлашди.

Кеча оқшом ўтказилган учрашувда лондонликлар айнан Фабрегаснинг ягона голи эвазига сафардан муҳим 3 очко билан қайтишганди.

“Биз учрашувни яхши бошладик ва 90 дақиқа давомида ўйинни назорат қилдик. Фақат биринчи бўлимнинг сўнгги 10 дақиқасида жиддий қаршиликка учрадик. Лекин кейин яна ўйин тизгинини қўлга ола билдик.

Чемпионатнинг қолган ўйинлари “Челси” учун финал каби ўтади. Буни жуда яхши тушуниб турибмиз. Мавсумни кучли тўртликда якунлашга ҳаракат қиламиз. Бунинг учун имкониятимиз етарли. Биз ғуруримиз учун ҳам қолган ўйинларда ғалаба қозонишимиз шарт”, – деди Фабрегас.

Link :

Receive latest football news directly on your phone. Subscribe for our Telegram channel!

Rating: +7