Latest news

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  15 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  24 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  373 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Сервер Жепаров: "Мен учун Янги йил оилавий байрам" News

Сервер Жепаров: "Мен учун Янги йил оилавий байрам"

Янги йил кириб келишига ҳам тобора оз фурсат қолмоқда. Ўтаётган ҳар бир дақиқа сизу бизни янги 2015 йил томон етаклаяпти.
Янги йил оилавий байрам ҳисобланади. Янги йил кириб келишини ҳар бир юртдошимиз ўз оиласи даврасида, тўкин дастурхон атрофида қарши олади. Биз байрам арафасида Ўзбекистон миллий терма жамоаси сардори Сервер Жепаров билан учрашиб, Янги йилни қандай кутиб олиши, байрамга кўраётган тайёргарлиги юзасидан суҳбатлашдик.

- Мен учун Янги йил оилавий байрам ҳисобланади, - дея сўз бошлади С.Жепаров.  31 декабрь куни аввал ота-онамизни кўргани йўқлаб борамиз. Кечқурун рафиқам ва фарзандларим билан янги йил кириб келишини биргаликда қарши оламиз. Ҳар доимгидек байрам дастурхони ёзилади. Табиийки, бу байрамни янги йил арчасисиз тасаввур қилиб бўлмайди. Менимча, ҳар бир оилада Янги йил байрамини шундай кутиб олишса керак.



- Жепаровлар хонадонининг янги йилни кутиб олиш ва байрамни ўтказишда  ўзига хос анъаналари борми?
- Алоҳида айтишга арзигулик анъаналаримиз йўқ. Лекин ҳар йили байрам дастурхонига янги таом тортилади. Яъни бу йил истеъмол қилган таомимизни келаси йил тайёрламаймиз.

- Ўзингиз тайёрлайсизми?
- Йўқ албатта (кулади). Рафиқам қўли ширин ошпаз. Байрам дастурхонини ўзи тайёрлайди.

- Бу йилги байрам дастурхонини қайси таом безаши кутиляпти?
- Очиғи билмадим. Бу ҳақда ҳали рафиқам билан маслаҳатлашиб кўрмадик. Аммо нимадир антиқа таом бўлиши керак. Дастурхонни салатлар безаги аниқ. Турмуш ўртоғим қайси таомни тайёрласа, биз шуни истеъмол қилаверамиз. Кореяда ҳам рафиқам ва фарзандларим ўзим билан яшашади. Ўзбек таомлари, хусусан ошни тез-тез пишириб туради. Шундай экан, ўзлигимизни йўқотиб қўймаймиз (кулади).



- Бу байрамни айниқса болажонлар интизорлик билан кутишади. Шу маънода фарзандларингизга қандай кутилмаган совғаларни ҳозирлаб қўйдингиз?
- Одатда байрамдан бир-икки кун олдин болаларни арча байрамига олиб борамиз. Кўпинча Мустақиллик майдонида ўрнатилган Президент арчасига болалар билан биргаликда борамиз. 31 декабрь куни эса уйда ҳаммамиз биргаликда янги йил кириб келишини кутиб оламиз. Албатта, совғалар тайёрлаб қўйилган.

- Шахсан ўзингиз болалигингизда ота-онангиздан олган ва ҳозиргача ёдда қолган совғани эслай оласизми?
- Жуда кўп совғалар олганимдан биронтасини эслай олмаяпман (кулади). Ростан ҳам ҳар байрамда кўп совға олардим. Тўққиз ёшимда футбол билан шуғулланишни бошлаганман. Ўша пайтда менга дадам тўп совға қилгандилар. Балки, шу совға мен учун қадрли бўлиб қолгандир.

Камолиддин АЛИМОВ суҳбатлашди
Rating:    

Comments

championat.asia
< show latest news
Яндекс.Метрика