Сервер Жепаров "Локомотив" спорт директорига айланди
15 jun 2022 14:56
News

Сервер Жепаров "Локомотив" спорт директорига айланди

Ўзбекистон терма жамоаси собиқ футболчиси Сервер Жепаров Тошкентнинг "Локомотив" клуби спорт директори этиб тайинланди.

"Ёш ва иқтидорли мутахассислардан бири, ўз вақтида (2008, 2011) Осиёнинг икки карра "Энг яхши футболчиси" деб топилган Сервер Жепаров "Локомотив" ПФК раҳбарияти қарорига биноан клуб спорт директори этиб тайинланди.

2016 йил жамоамиз сафида ҳаракат қилиб, "Локомотив"нинг Осиё чемпионлар лигасида чорак финалга қадар етиб боришида муносиб ҳисса қўшган Жепаров шу йилнинг 24 февраль санасидан "Локомотив" футбол мактабида иш бошлаганди. Эндиликда эса у клуб спорт директори вазифасини бажаради.

Шу ўринда Сервер Решатовичга янги лавозимда омад ва зафарлар тилаб қоламиз", — дейилади "темирйўлчилар" хабарида.

Link :

Source : "Локомотив" матбуот хизмати

Receive latest football news directly on your phone. Subscribe for our Telegram channel!

Rating: +7