Сергей Лушчан: "Жиянов ва Одиловда имтиҳон бор, Аҳмедовда жароҳат"

"Бугун "Бухоро"га қарши баҳсда ҳозирги кундаги асосий ва оптимал таркибимиз майдонга тушди. Кубок ўйинида "Оқ-тепа"га қарши кейинги баҳс сунъий майдонда бўлади, шу сабабли таркибда ўзгаришлари бўлиши аниқ.

Русланбек Жиянов ва Алишер Одиловнинг эса Олий ўқув юртида имтиҳони бор. Балки улар ҳам майдонга тушишмаса керак.

Педро жамоага мослашиб бормоқда, аммо ҳозирча тил борасида ўртада катта "жарлик" бор. Шу сабаб ҳозирда Ўринбоев ўйнамоқда. Забиҳилло йигитларни руҳлантира олади, керак пайтда уришиб ҳам туради.

Азим Аҳмедовнинг ўтган йилдан қолган жароҳати безовта қилди, шу боис бугун тушмади. Жароҳат олган Мирзоҳид Ғофуров ва Музаффар Мўминов индивидуал тарзда тикланишмоқда.

Масалан ўтган турларда "Сурхон"га ютқазгандик. Ўша баҳсда биз ёмон ўйнамадик, шунчаки рақиб биздан зўр ўйнади. Ҳар жабҳада биздан устунлик қилишди ва ғалаба қозонишди. Бу мавсумдаги энг ёмон ўйинимиз бўлди. Ўша ёмон ўйинда ҳам бизда ғалаба учун имкониятлар бўлганди, агар ютганимизда ҳам ўша ғалабадан мен маза қилмасдим", - деди Сергей Лушчан.