Сергей Лушан: "15 декабрдан янги мавсумга тайёргарликни бошлаймиз"
26 nov 2016 16:13
News

Сергей Лушан: "15 декабрдан янги мавсумга тайёргарликни бошлаймиз"

Ўзбекистон кубоги ярим финал доирасидаги "Бунёдкор" - "Локомотив" учрашувидан сўнг ташкил этилган матбуот анжуманининг иккинчи қисмида "қалдирғочлар" бош мураббийи Сергей Лушан қатнашди.

- Яхши ўйин гувоҳига айландик. Мен футболчиларга эътироз билдира олмайман. Вазиятлар яратдик. Аммо уларни самарали якунлашда оқсадик. Биз учун мавсум тугади. Буёғига 15 декабрдан бошлаб янги мавсумга тайёргарлик кўришни бошлаймиз.

Нега жамоам муҳим ўйинларда ютқазмоқда? Билмадим. Бу саволга жавоб бериш қийин. Юзлаб мисолларни айтиш мумкин. Аммо бу саволга аниқ жавоб йўқ.

Лекин айнан мени бошқарувимда жамоа муҳим ўйинларда ютқазмоқда дейдиган бўлсак, унда мен хотиржамман. Масалан ОЧЛда вазифани уддаладим. Чемпионатда иккинчи ўринни қўлга киритдик. Футболда ниманидир яратиш жуда қийин. Мен кўпроқ яратувчан мураббийман. Натижалар борасида мени танқид қиладиган кўплаб топилмоқда. Мени ишим шуни тақозо этади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2