Сергей Лебедевни табриклаймиз!

31 январь куни “Истиқлол” бош мураббийи юбилей 50 ёшни қарши олмоқда. Фаолиятининг асосий қисмини “Нефтчи” ПФК билан боғлаган Сергей Элефертович фарғоналиклар сафида 250 дан ортиқ ўйинларда иштирок этган. Фаолиятини якунлагач, мураббий сифатида ҳам қадрдон жамоасида меҳнат қилди. Бугунги кунда эса Про лиганинг етакчи жамоаларидан бири саналган “Истиқлол” жамоасига бош мураббийлик қилаётганидан хабарингиз бор.

Фурсатдан фойдаланган ҳолда “Нефтчи” футбол клуби раҳбарияти, мураббийлар штаби, футболчилар ҳамда барча ишчи-ходимлар номидан Сергей Лебедевни бугунги юбилей санаси билан табриклаймиз. Сергей Элефертовичнинг мураббийлик фаолиятида улкан зафар ҳамда омадлар ёр бўлишини тилаймиз!