Сергей Лебедев: "ПРО-лигада ҳар турда сюрпризлар бўлмоқда"
27 aug 2018 10:51
News

Сергей Лебедев: "ПРО-лигада ҳар турда сюрпризлар бўлмоқда"

"Машъал" - "Истиқлол" учрашувидан (1:2) сўнг меҳмонлар устози Сергей Лебедев ўз фикрларини билдирди.

- ПРО-лигада осон ўйинлар йўқ, ҳар бир тур ўзининг сюрпризлари билан барчани лол қолдирмоқда. Бугунги кун "Истиқлол"нинг куни бўлди. Мезбонларнинг яшил майдонда тажрибаси катта, шу сабабдан ҳам бизни енгил ўйин кутмаётганди. Бугун нафақат гол урган футболчилар балки барча йигитлар олқишларга мос ўйин кўрсатишди. Бунинг учун уларга ташаккур.

Бу футбол, унда ғалаба ва мағлубият ёнма-ён юради. Биз жамоамиз билан ишлашда давом этамиз. Бугунги кун жамоамизга аталган эди. Энг муҳими катта ишни амалга оширдик. Ғалаба қозонишимизни барча мухлисларимиз кутишган эди. Яна бир бор йигитларга ва мухлисларимизга раҳмат айтаман! - деб сўзларини якунлади "Истиқлол" устози Сергей Лебедев.

Link :

Source : "Истиқлол" матбуот хизмати

Receive latest football news directly on your phone. Subscribe for our Telegram channel!

Rating: +1