Сергей Ковшов: "Бугун бизга омад кулиб боқди"
22 oct 2015 11:30
News

Сергей Ковшов: "Бугун бизга омад кулиб боқди"

Водий дербисида "Нефтчи" ва "Андижон" жамоалари (0:1) ўртасидаги учрашувдан сўнг бўлиб ўтган матбуот анжуманида "Андижон" бош мураббийи Сергей Ковшов ўйин ҳақида ўз фикрларини билдириб ўтди.

- Айни пайтда “Андижон” жамоасини олдидаги вазифаси бошқа, “Нефтчи”нинг мақсади бошқа. Бугун иккиала жамоага ҳам очко керак эди. Дербида бизга омад кулиб боқди. Ўйин дербига мос ва жуда қизиқ ўтди. Мезбонлар ўйин давомида дарвозамиз олдида жуда кўплаб хавфли вазиятларни юзага келтиришди. Биз эса қарши ҳужумларнинг биттасидан унумли фойдаландик. Ушбу ягона гол бизга ғалаба келтирди. Жамоа кўрсатган ўйин жуда ёқди. Майдонга тушган футболчилар жонбозлик кўрсатдилар. Ҳакам томонидан ўйинга қўшиб берилган вақтгача улар бўшашишгани йўқ. Ғалаба ҳам айнан шунинг эвазига қўлга киритилди. Бугунги баҳсда уч очко бизга кўпроқ керак эди ва бунга эришдик. Шу ўринда жамоамизни қўллаб-қувватлаш учун Андижондан Фарғонага келган мухлисларимизга ҳам алоҳида миннатдорчилик билдираман. Ишқибозларимизнинг далдаси ҳам бизга куч бағишлади.

Link :

Source : andijon-pfc.uz

Receive latest football news directly on your phone. Subscribe for our Telegram channel!

Rating: +5