Сергей Ковшов: "Бизнинг вазифамиз умуман бошқа, "Локомотив"нинг мақсади буткул бошқа"

"Бизнинг вазифамиз умуман бошқа, "Локомотив"нинг мақсади буткул бошқа. Биз олий лигада қолмоқчимиз, улар чемпионлик учун курашишмоқда. Бундай ўйинда очко олишимиз мумкин эди. Ҳозирги вақтда ҳар бир очко жуда муҳим. Тўғри бугун сифатли ўйин кўрсатмадик, аммо охиригача курашдик. Жамоада ғалабага бўлган курашувчанлик борлиги қувонтирди. "Локомотив" бидан класс борасида анча юқори. Аммо ўйин борасида уларга кўп ҳам ютқазмадик. Аъзамов жароҳатидан яқинда қутулди, шу боис танаффусга яқин алмаштирдим.

"Навбаҳор"га қарши ўйин ҳам қийин бўлади. Биз ҳар бир ўйинга шундай чанчоқлик билан тушамиз. Бугун ўйин борасида футболчиларга ҳеч қандай эътирозим йўқ. Ҳакамлар ҳақида гапирмоқчи эмасман. Расул Раҳмонов ва Лочин Солиев жароҳатларини даволашмоқда. Ҳозирча машғулотларга ҳам қайтишмаган. Улар мавсумнинг сўнгги ўйинларида майдонга қайтишларига умид қиламиз", - дейди Ковшов.