Сергей Ковшов: "Албатта, меҳмонда очко олиш яхши"

- Ўйин яхши ўтди. Бугун иккала жамоада ҳам гол уриш учун вазиятлар бўлди. Мусобақа жадвалидаги ҳолатимиз қийин бўлгани боис бугунги баҳсда бизга очко жуда зарур эди. Шунинг учун йигитлар майдонда борларини бериб ўйнашди. Албатта, меҳмонда очко олиш яхши. Шу боис натижа биз учун ёмон бўлмади. Тўғри, ўйин сифатида у қадар юқори бўлмагандир, лекин ўйин курашларга бой бўлди. Мана шундай курашда очко олишни уддаладик. Бундан хурсандмиз албатта. Учрашув охирида гол уриб ғалаба қозонишимиз ҳам мумкин эди. Лекин жуда қулай имкониятдан фойдалана олмадик. 

- Майдонда энг яхши ўйинчи сифатида кимни кўрсатган бўлардингиз?
- Албатта, бу борада дарвозабонимиз Геннадий Мошнягани айтсам хато бўлмаса керак. У бугун ҳам бир қатор вазиятларда голлардан қутқарди. Аввалги турда “Қизилқум” билан бўлганда ўйинда ҳам Мошняга ўзини кўрсатганди. Аммо майдонда биргина Мошняга ўйнагани йўқ ва бутун жамоа бугун яхши ҳаракат қилди. Шунинг учун ҳамма йигитларга раҳмат айтаман.