Latest news

00:49Шахзод Азмиддинов "Пахтакор" билан хайрлашди  1 00:15Ўзбекистон U-17 терма жамоаси "Чертаново" билан дуранг ўйнади  6 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  1 23:14Расман: "Арсенал" Гёкерешни 63,5+10 млн еврога сотиб олди  2 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  2 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  6 22:17Александар Митрович - "Манчестер Юнайтед"нинг янги мақсади  0 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  1 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7 19:58"Ливерпуль" Англия терма жамоаси вингерини нишонга олди  3 19:00Ўртоқлик ўйини. "Милан" Гонконгда "Ливерпул"ни мағлуб этди  4 18:40"Реал" "Арсенал" билан учрашув учун делегация тайёрламоқда  10

Сергей Арсланов: "Нимелига Суперлиганинг топ клублари қизиқиш билдирмоқда" News

Сергей Арсланов: "Нимелига Суперлиганинг топ клублари қизиқиш билдирмоқда"

"Сурхон" - "Сўғдиёна" учрашувидан (1:0) сўнг мезбонлар устози Сергей Арсланов матбуот анжуманида иштирок этиб, журналистлар саволларига жавоб берди.

"Ўйин қийин ва асабий ўтди, бунинг устига баҳс якунида ўйинга 14 дақиқа қўшиб берилди. Жисмоний ва руҳий томондан кўп куч сарфладик. Агар таймлар ҳақида гапирадиган бўлсак, биринчи бўлимда кўпроқ тўпсиз ҳаракат қилиб, ҳимояга кўпроқ эътибор бердик, иккинчи таймда эса рақиб дарвозаси олдида кўплаб вазиятлар яратдик. Ўйин нега қийин ўтди? Биринчидан, рақиб яхши ҳаракат қилди, иккинчидан, ўйинлар орасидаги фарқ катталиги ўз таъсирини кўрсатди" - дейди Сергей Арсланов.

- Нега Нимели ўйинга қўшилиб кета олмади?

- Биринчи бўлимда у роса қийналди. Ҳар доим ҳимоядан ҳужумга ўтишда ҳужумчилар тўпни сақлаши, тўпга чиқиши ҳақида гапирамиз. У шундай ҳаракат қилишга уринди, аммо рақиб бунга имкон бермади. Иккинчи бўлимда эса унга вазиятлар етишмаган бўлсада, Нимели ҳимоя ва ҳужум ўртасидаги боғловчи вазифасини бажариб берди. Айнан у туфайли ҳимоядан чиқиб, хавфли вазиятлар ярата бошладик. Ҳа, у чарчаб қолди. Майдонга иккинчи ҳужумчи тушиши ўйинимизни кучайтира олди. Уларнинг бири тўпни сақлаган бўлса, иккинчиси рақибни алдашга ҳаракат қилди. 20 кундан сўнг расмий баҳсда майдонга тушиш нафақат футболчиларга, балки мураббийларга ҳам қийин.

- Нимелига қизиқиш катта. Айниқса "Навбаҳор"дан...

- Нимели чемпионатимизнинг энг яхши ҳужумчиларидан бири саналади. Топ клублар унга ҳақиқатдан ҳам қизиқиш билдиришмоқда. Улар раҳбариятимизга мурожаат қилиб, бу борада музокара ўтказишлари мумкин.

- "Сурхон"нинг трансфер шорт листида кимлар бор?

- Ҳозир уларни саралаб, ўйинимизга мос келишини кўриб чиқяпмиз.

- "Сурхон" легионер олмоқчими ёки маҳаллий футболчи?

- Клубимиз биринчи навбатда ёшларга эътибор қаратади. Кейин эса турли ёшлардаги терма жамоа вакилларини олиб келишга интиламиз. Сўнгги вариант - легионер. Айни дамда легионерлар бўйича барча позицияларимиз банд. Шу сабабли улар ҳақида ўйлаётганимиз йўқ.

Rating:    

Comments

championat.asia
< show latest news
Яндекс.Метрика