Сайтимиз ўқувчилари диққатига!

Хабарингиз бор, кеча бўлиб ўтган биринчи лиганинг "Сурхон" - "Андижон" ўйини жанжалли воқеа билан тугади ва бунинг натижасида учрашув бош ҳаками ҳар икки жамоанинг тўрт нафардан жами 8 футболчини майдондан четлатди.

Сизлардан шуни илтимос қиламиз, ҳеч биримиз эҳтиросга берилиб фикр қолдирмайлик. Чунки сайт кенг миқёсдаги ўқувчилар учун мўлжалланган бўлиб, орамизда барча клубларнинг мухлислари бор.

Ишонинг, ўйин пайтида аслида нималар рўй берганини билиш биз учун ҳам муҳим. Аммо-лекин қўлимизда ўйинга доир ҳеч бир видео ёзув бўлмагани учун аниқ бир нарса дея олмаймиз.

Сизлардан илтимос, сайтда бировни камситадиган, очиқчасига ғазабини келтирадиган ҳамда кимнингдир шаънига тегадиган фикр қолдиришдан тийилайлик. Зеро, бизнинг мақсадимиз ҳеч кимни ажратмаган ҳолда Ўзбекистондаги барча клуб ва мухлисларга бир хил кўз билан қараш.  

Ҳурмат билан, Championat.asia сайти таҳририяти.