Сауль Туркияга кўчиб ўтиш фикридан қайтди. Нега?

Аввалроқ ярим ҳимоячи "Атлетико" билан шартномани бекор қилиб, турк клубига ўтиши хабар қилинган эди.

Бироқ, инсайдер Фабрицио Романо маълумотларига кўра, 30 ёшли ўйинчи фикрини ўзгартирди. Футболчи аллақачон тўрт йиллик шартнома бўйича келишиб қўйган эди. У бугун Туркияга тиббий кўрикдан ўтиш учун учиб кетиши керак бўлган.

Аниқланишича, трансфердан бош тортишга оилавий қарор сабаб бўлган. "Трабзонспор" билан музокаралар тўхтатилди.