Саудия Арабистони U19 - Ўзбекистон U19 - 3:2. Тўлиқ шарҳ

30 апрель куни бўлиб ўтган учрашувда ҳам Саудия Арабистони ёшлар терма жамоаси 3:2 ҳисобида ғалаба қозонди.

Ўйинда ҳисобни ўзбекистонликлар очди. 6-дақиқада Ойбек Рустамов аниқ зарбаси билан рақиб дарвозасини ишғол қилди.

Орадан 5 дақиқа ўтиб, ҳисоб тенглаштирилди. Биринчи бўлим якунига қадар томонлар яна биттадан гол уришга муваффақ бўлишди. 40-дақиқада Умид Эргашев қўриқлаётган дарвоза томон 11 метрлик жарима зарбаси белгиланди ва у аниқ амалга оширилди. 42-дақиқада эса Азиз Ғаниев жарима тўпини қойилмақом бажариб, ҳисобни тенглаштирди.

Учрашув асосий вақтига қўшиб берилган дақиқаларда Жасур Абдураимов шогирдлари рақиб қарши ҳужумини ўтказиб юборди ва бу ҳужумни саудияликлар гол билан якунлади – 3:2.

Эслатиб ўтамиз, 28 апрель куни бўлиб ўтган дастлабки ўйинда ҳам худди шундай ҳисоб қайд этилган ва Саудия Арабистони ёшлар терма жамоаси ғолиб бўлган эди.

Ўртоқлик учрашуви

30.04.2016, Ал-Хобар, Саудия Арабистони қироллиги

Саудия Арабистони U19 – Ўзбекистон U19 3:2

Ўзбекистон голлари: Ойбек Рустамов (6), Азиз Ғаниев (42)

Ўзбекистон U19: Умид Эргашев, Ойбек Рустамов, Ислом Қобилов, Ҳусниддин Ғофуров, Хожиакбар Алижонов, Азиз Ғаниев, Нурилло Тўхтасинов, Шароф Муҳиддинов, Санжар Қодирқулов, Илҳом Алижонов, Бобир Абдухолиқов.

Захира: Умид Ҳамроев, Беҳзод Ғанижонов, Миржаҳон Мираҳмадов, Ислом Кенжабоев, Абдуқодир Ортиқов, Турсунбой Раҳимбердиев, Усмонали Усмоналиев, Жасур Яхшибоев, Билол Тошмирзаев, Сухроб Нуриллоев.