Саудия Арабистони Осиё Кубоги учун якуний қайдномани эълон қилди
02 jan 21:53
News

Саудия Арабистони Осиё Кубоги учун якуний қайдномани эълон қилди

Саудия Арабистони термаси матбуот хизмати миллий жамоанинг Осиё Кубоги учун якуний қайдномасини эълон қилди.

Асосий етакчилар таркибда, фақатгина терманинг узоқ йиллик сардори Салмон Ал Фараж йўқ. 2022 йил Ўзбекистонда ўтган U-23 Осиё Кубогида порлаган ҳимоячи Сауд Абдулҳамид ("Ал Ҳилол") ва вингер Айман Яҳё ("Ал Насср") ҳам рўйхатда бор. Терма жамоанинг узоқ йиллик асосий қанот ҳимоячилари Ёсир ал-Шаҳрони, Султон ал-Ганнам ва ал-Бурайклар умуман йўқ. Роберто Манчини қанот ҳимоясида ўзгаришларга қўл урган.

26 кишилик рўйхатдан ушбу футболчилар ўрин олди:

Дарвозабонлар: Аҳмад ал-Кассар ("Ал Фейҳа"), Рагид Нажжар, Наваф ал-Ақиди ("Ал Насср").
Ҳимоячилар: Сауд Абдулҳамид, Ҳассан ал-Тамбакти, Али ал-Булайҳи, Носир ал-Давсари (барчаси "Ал Ҳилол"), Али Лажами ("Ал Насср"), Авн ал-Салули ("Ал Таавоун"), Ҳассан Кадеш ("Ал Иттиҳод"), Фаваз ал-Суқор ("Ал Шабаб").
Ярим ҳимоячилар: Эид ал-Муваллад ("Ал Аҳдуд"), Муҳаммад Канно, Абдулелаҳ ал-Малки ("Ал Ҳилол"), Аббос ал-Ҳассан, Муҳтор Али ("Ал Фатеҳ"), Абдулраҳмон Ғариб, Сами ал-Нажи, Абдуллоҳ ал-Ҳайбари, Айман Яҳё (барчаси "Ал Насср"), Файсал ал-Гамди ("Ал Иттиҳод").
Ҳужумчилар: Салим ал-Давсари, Солиҳ ал-Шеҳри (иккиси ҳам "Ал Ҳилол"), Ферас ал-Брикан ("Ал Аҳли"), Абдуллоҳ Радиф, Фаҳад ал-Муваллад (иккиси ҳам "Ал Шабаб").

Қайд этиш керак, айни дамда Роберто Манчини ушбу терма бош мураббийи ҳисобланади.

Осиё Кубоги бошланишига қадар Саудия Арабистони термаси 4 январда Ливан, 9 январда Фаластин ҳамда 10 январда Гонконг термаларига қарши ўртоқлик ўйинлари ўтказади. Жамоанинг қитъа кубогидаги илк учрашуви 16 январь куни Уммонга қарши бўлиб ўтади.

Saudi Arabia

Abdulrahman Ghareeb - 78', Ali Al-Bulayhi - 90'

Asian Cup Grp. F . Round 1

16/01/2024, 22:30

Finished

Oman

Salaah Al-Yahyaei - 14'

Stadium: Khalifa International Stadium, 41987 spectators

45'

90'