Саудия Арабистони МТЖ ҳам машғулотларга киришди
23 mar 2021 22:08
News

Саудия Арабистони МТЖ ҳам машғулотларга киришди

ЖЧ саралашдаги рақибимиз март ойида иккита ўйин ўтказади.

Саудияликлар 25 март куни Қувайт терма жамоасига қарши ўртоқлик учрашувида майдонга тушишади. 30 март куни эса бу жамоа ЖЧ саралаш босқичидан ўрин олган Фаластинга қарши баҳсни ўтказади.

Ҳар иккала учрашув пойтахт Ар Риёддаги "Қирол Сауд Университети" стадионида ташкил этилади. Терма жамоа бош мураббийи Эрве Ренар мазкур йиғинга 26 нафар футболчини таклиф этган.

Терма жамоа аъзолари кеча коронавирусга тест топширишганди. Бугундан эса машғулотларга старт берилди. Хабарингиз бор, Саудия Арабистони жаҳон чемпионатига чиқиш йўлида Ўзбекистон билан бир гуруҳда кураш олиб бормоқда. Шу боис уларнинг ҳар бир куни биз учун муҳим.