Сарвар Жўраев: “Насаф”га ҳам очко жуда муҳим, чунки бир неча ўйиндан бери ғалаба қозона олмаяпти”
26 jun 2016 09:03
News

Сарвар Жўраев: “Насаф”га ҳам очко жуда муҳим, чунки бир неча ўйиндан бери ғалаба қозона олмаяпти”

Маълумки, олий лиганинг 14-тур доирасида Жиззахнинг “Суғдиёна” жамоаси сафарда Қаршининг “Насаф” жамоаси билан беллашади.

Ушбу ўйин олдидан “Суғдиёна ” жамоаси ҳимоячиси Сарвар Жўраевнинг фикрлари билан қизиқдик.

- “Насаф” олий лиганинг энг кучли жамоаларидан бири. Ушбу баҳсга жуда жиддий тайёргарлик кўрдик. Албатта,жуда қийин ўйин бўлиши табиий. Жамоамиздаги барча ўйинчилар жисмонан ва руҳан тайёр. “Насаф”га ҳам очко жуда муҳим, чунки бир неча ўйиндан бери ғалаба қозона олмаяпти. Олий лиганинг биринчи давраси тугаш арафасида, шунинг учун биз нафақат “Насаф”га балки уйимизда бўлиб ўтадиган “Қизилқум” га қарши ўйинга ҳам диққатимизни қаратганмиз. Бизга очколар жуда муҳим. Биринчи даврани яхши натижалар билан тугатмоқчимиз – дейди Жўраев.

Дилдора Холбоева суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: +1