Сарри “Милан”да Гаттузони алиштириши мумкин

Гаттузо апрель ойи бошида “Милан” билан шартомасини узайтирганди. Аммо шундан кейин барча турнирларда ўтказилган еттита баҳснинг атиги иккитасида миланликлар ғалаба қозона олишди, холос.

“Ювентус”дан Италия кубоги финалида (0:4)ги мағлубиятдан кейин “Милан” фақат А серияда юқорироқ ўринларин банд этиб Европа лигасига йўлланма олиши мумкин.

Агар жамоа 7-поғонадан пастроқ ўринни эгалласа, клуб раҳбарияти Гаттузонинг келажагини кўриб чиқади. Агар у истеъфога чиқариладиган бўлса, унинг ўрнига Сарри таклиф этилиши мумкин.

Чемпионат тугашига икки тур қолганида “Милан” А серияда олтинчи поғонани эгаллаб турибди.