Сарри: "Энг яхшиси ўз ўйинимизни намойиш этамиз"

"Биз ўз ўйинимизни кўрсатамиз. Тажриба шуни кўрсатадики, қачонки биз ўз ўйинимизни қилмасак, унда жамоамиз кўнгилдагидек натижани қўлга кирита олмайди. Энг яхши йўл - ўз футболингни ўйнаш. "Ювентус стэдиум"да ажойиб муҳит бўлади. Балки биз керакли натижани қайд эта олмасмиз. Учрашувнинг 70 дақиқасини ўз жарима майдончамиз олдида ўтказишимиз ҳам мумкин. Нима бўлганда ҳам бу ўзимизнинг танловимиз бўлади. Агарда бизга 30 сония футбол ўйнаш насиб этган тақдирда ҳам ўз ўйинимизни кўрсатишга ҳаракат қиламиз. Қачонки иккита жуда кучли ҳимояга эга жамоалар тўқнаш келса футболчининг индивидуаль махорати кўп нарсани ҳал қилади. "Ювентус"да бу каби футболчилар жуда кўп. Бизда ҳам бундан муаммо йўқ. "Юве"га қарши баҳс фаолиятимдаги энг муҳим ўйин бўлади деб ўйламайман. Агарда шу кунгача 500та учрашув ўтказмаганимда бу ерда бўлмасдим. Матбуот бу баҳс жуда муҳим эканлигини аниқламоқда. Мен учун қуйи дивизиондаги "Санджованнезе" ёки "Гроссето" билан бўлган беллашув ҳам муҳим бўлган", - дейди Сарри.