Сардор Рашидов: "Майдонга тушмаганимга бир ой бўлганди"

Темирйўлчилар" ОЧЛ мусобақасини БААнинг "Ал Ваҳда" жамоасига қарши баҳс билан бошлади ва йирик 5:0 ҳисобида ғалаба қозонди. Ушбу учрашувдан сўнг "Локомотив" клуби футболчиси Сардор Рашидов ўз фикрларини билдириб ўтди.


"Тўғрисини айтсам, "Ал Ваҳда"га қарши осон ўйин ўтказдик, дея олмайман. Чунки биринчи бўлимда бироз қийинчилик бўлди. Иккинчи бўлимда рақиб дарвозасини ишғол қилишга ҳаракат қилдик ва 5 маротаба "Ал Ваҳда" дарвозасини ишғол қилдик. Гуруҳдаги биринчи турда ғалаба қозондик, бундан хурсандмиз. насиб қилса кейинги баҳсларда ҳам ғалаба қозонишга ҳаракат қиламиз. 

Учрашув давомида ўйиним бироз пастлаганини кўпчилик сезган бўлса керак. "Ал жазира" таркибида сўнги бор 1 ой аввал расмий учрашувни ўтказгандим. Шундан сўнг, "Локомотив" жамоаси билан ОЧЛ гуруҳ босқичида илк расмий ўйинимни ўтказдим. Бу ҳолат ўзимга ҳам сезилди. Кейинги баҳсларда яхшироқ ўйин кўрсатишга ҳаракат қиламан", - дейди Сардор Рашидов

Жаҳонгир Сотволдиев ёзиб олди