Сардор Қобулжонов: "Рамзий терма жамоадан ўрин олишимни кутмагандим"

Унга кўра, дарвозага "Нефтчи" посбони Сардор Қобулжоновни киритдик. 27 ёшли посбон ҳақиқатдан ҳам "Пахтакор"га қарши кечган баҳсда жамоасини бир қатор муқаррар голлардан асраб қолди. Шунинг натижасида у рамзий терма жамоага муносиб кўрилди. Шу боис Қобулжонов билан қисқача суҳбатлашдик.

- "Пахтакор"га қарши ўйинда жамоам мағлубиятга учради. Табиийки бу ҳеч кимга ёқмайди. Ўзимни ўйинимга келадиган бўлсак, тўғриси бунга мухлислар ва мутахассислар жавоб бергани маъқул.

- Интернетга киришга унчалик кўп қизиқмаганим учун очиғи, "СА" сайтининг тур рамзий терма жамоасини аниқлаб боришини бунгача билмагандим. Жамоадошларим 15-турнинг рамзий термасидан ўрин эгаллаганимни айтганидан сўнг билдим. Албатта бундан хурсандман. Сайт ижодкорларига миннатдорчилик билдириб қоламан. Олдинда яна кўплаб ўйинлар кутиб турибди. Насиб қилса келгуси турларда ҳам рамзий терма жамоадан ўрин оладиган даражада ўйин кўрсатишга ҳаракат қиламан", - дейди Қобулжонов.