Сардор Мирзаев: "Халқимиз ва мухлислардан узр сўраймиз"

Бу эса ўз ўзидан "темирйўлчилар" нинг Осиё чемпионлар лигаси билан ҳайрлашганини англатади. Мазкур баҳсдан сўнг мезбон жамоа етакчиси Сардор Мирзаев фикрлари билан ўртоқлашди.

"Ўйинни ҳамма кўрди. Бирор нарса дея олмайман. Ташқаридан ҳам кўринган бўлса керак бирон яққол голга тортадиган вазият ярата олмадик. Ҳозир гапирсам баҳонадек туюлиши мумкин. Мағлубиятда омадни рўкач қилмаган бўлардим.

Агарда хавфли вазият юзага келиб, ундан фойдалана олмаганимизда омад келмади деса бўлади. Ҳар йилгидек яна янги футболчилар келди, айримлар тарк этди. Бир-биримизни тушунишимиз қийин бўлди. Бу ўйин биз учун яхшигина дарс бўлди деб ўйлайман. Бутун Ўзбекистон ҳалқидан, стадионга келган мухлислардан узр сўрайман. Бугун етишмаган ягона омил ҳужумларни тугаллашда оқсаганимиз бўлди. Ички чемпионати баҳслари бошланишига бир ой вақт бор. Мана шу муддат ичида янада яхшироқ ишлаймиз", - деди Мирзаев.

Абдулазиз Искандаров ёзиб олди