Сардор Азмун - мухлис ва мутахассислар эътиборида
25 nov 2014 16:48
News

Сардор Азмун - мухлис ва мутахассислар эътиборида

Қоп-қора сочи билан кўпчиликнинг эътиборига тушган Сардор Азмун қисқа фурсат ичида мухлисларга танилди.

Уни ҳозирданоқ кўпчилик "эронлик Месси" дея бошлади. Азмун футболга кириб келишидан олдин волейбол билан шуғулланган. Кейинчалик футболга бўлган қизиқиши ортиб миллионлар ўйинига кириб келди ва Эроннинг номдор клубларидан бири "Сепахан" билан шартнома тузди.

1995 йилда туғилган ёш ҳужумчи чаққон ҳаракатлари туфайли тезда бошқа клублар қизиқишига тушади. Хусусан Эроннинг ўзида "Пирузи" ва "Истиқлол"дан, Европадан эса "Интер" футболчига таклиф билдиради. Лекин футболчининг ўзи Россиянинг "Рубин" клубига ўтишни маъқул кўрди.

"Рубин"га келган Азмун дастлабки мавсумни ўринбосарлар таркибида ўтказди. Кейинчалик Европа лигасида дебютини нишонлади. Бу орада Карлуш Кейруш уни миллий терма жамоага ҳам таклиф этади. Яқинда бўлиб ўтган Жанубий Корея билан кечган ўртоқлик учрашувида айнан унинг ягона голи Эронга 1:0 ҳисобидаги ғалабани тақдим этди. Футбол мутахассислари ҳамда форсларнинг Сардор Азмундан Осиё Кубогида умиди катта.

Link :

Receive latest football news directly on your phone. Subscribe for our Telegram channel!

Rating: