Сантуш: “Голландия сўнгги йилларда анча кучайди”
09 jun 2019 07:58
News

Сантуш: “Голландия сўнгги йилларда анча кучайди”

Португалия терма жамоаси бош мураббийи Фернанду Сантуш УЕФА Миллатлар лигаси финал баҳсидан олдин Голландия терма жамоаси ҳақидаги фикрлари билан ўртоқлашди.

“Мақсадимиз рақиб қай тариқа бизга ҳужум уюштиришини аниқлаб олиш. Сўнгги йилларда голландияликлар яхшигина кучайишди. “Аякс” Чемпионлар лигасида ажойиб иштирок этди, голландияликлар сафида ушбу мусобақада ғолиб чиққан футболчилар бор. Буларнинг барчаси Голландия терма жамоаси футболчилари юксак савияда ўйин намойиш эта олишларидан дарак беради.

Биз финалдамиз. Шу боис футболчилар қанчалик чарчоқ ҳолатда бўлишмасин, финалнинг ўзи юқори мотивация беради. Муҳими психологик ҳолат. Футболчиларда керакли натижага эришиш учун кучли ирода бўлиши лозим. Финал шубҳасиз, ажойиб ўйин бўлади. Биз португалиялик мухлисларга қувонч келтирмоқчимиз”, дея Сантушнинг сўзларидан иқтибос келтирмоқда УЕФА матбуот хизмати.

Link :

Source : УЕФА матбуот хизмати

Receive latest football news directly on your phone. Subscribe for our Telegram channel!

Rating: +8